Mbi 30,000 shtëpi pa energji elektrike në Norvegjinë qendrore

Mbi 30,000 shtëpi kanë mbetur pa energji elektrike në rajonet qendrore të Norvegjisë, sipas njoftimit të kompanisë së energjisë Tensio. Shkak për ndërprerjen masive të energjisë janë bërë erërat e fuqishme që kanë përfshirë zonën.

Autoritetet meteorologjike kanë lëshuar një paralajmërim portokalli për kushte ekstreme të motit në disa rajone, përfshirë Møre dhe Romsdal, Trøndelag dhe Nordland. Banorët në këto zona këshillohen të jenë të kujdesshëm dhe të ndjekin udhëzimet e sigurisë, ndërsa ekipet emergjente po punojnë për të rikthyer energjinë elektrike sa më shpejt të jetë e mundur.

Ndërprerjet e energjisë dhe kushtet e vështira atmosferike kanë shkaktuar shqetësim te qytetarët, ndërsa autoritetet paralajmërojnë për mundësinë e dëmeve të tjera materiale nëse erërat e forta vazhdojnë.