Ndalohen kimikatet për zhbllokimin e lavamanit: Tani kërkohet leje për përdorim

Nga fillimi i këtij viti, përdorimi i kimikateve zhbllokues për lavamanët është i ndaluar pa leje të posaçme nga administrata rajonale (Länsstyrelsen). Vendimi vjen pas raporteve të shumta për aksidente serioze që lidhen me këto kimikate, të cilat mund të shkaktojnë dëme të rënda shëndetësore nëse përthithen, raporton P4 Skaraborg.

Rrezik për shëndetin

Çdo vit raportohen raste të lëndimeve të rënda për shkak të përdorimit të gabuar të këtyre kimikateve. Nëse përthithet zhbllokuesi, mund të shkaktojë dëmtime kërcënuese për jetën, duke ngritur shqetësime për sigurinë publike.

Këshillë për qytetarët

Susanna Norrthon, këshilltare në Inspektoratin e Kimikateve, u bën thirrje qytetarëve që ende kanë zhbllokues kimikat në shtëpitë e tyre, ta dorëzojnë atë në stacionet e riciklimit si mbetje të rrezikshme.

Ky ndalim synon të reduktojë aksidentet dhe të mbrojë mjedisin, ndërsa autoritetet inkurajojnë përdorimin e metodave alternative dhe më të sigurta për zhbllokimin e lavamanëve.