Çmimet e ushqimeve pritet të rriten sërish: “Inflacioni ende nuk është mposhtur”

Edhe pse shumë ekspertë kanë shpallur fitoren kundër inflacionit, konsumatorët në dyqanet ushqimore ende nuk do të ndiejnë lehtësim. Drejtori i ri i Coop, Anders Torell, paralajmëron për rritje të reja çmimesh, kryesisht për produkte bazë si kafeja dhe bulmeti.

“Rritja e kostove të lëndëve të para vazhdon të ushqejë inflacionin,” deklaroi Torell për Svenska Dagbladet. Sipas tij, kjo është një sfidë që do të vazhdojë të ndikojë direkt te konsumatorët në muajt e ardhshëm.

Pavarësisht këtyre parashikimeve, Torell mirëpret vendimin e Riksbank-ut për të ulur normat e interesit, duke theksuar se kjo masë është pozitive jo vetëm për konsumatorët, por edhe për vetë Coop. “Kjo do të ndihmojë njerëzit të përballojnë më lehtë rritjen e çmimeve,” shtoi ai.

Ndërkohë, konsumatorët duhet të përgatiten për një periudhë të gjatë me çmime të larta ushqimore, duke qenë se situata globale e tregjeve të lëndëve të para mbetet sfiduese.