Qeveria: Më shumë disiplinë për të ndalur dhunën në shkolla

Qeveria suedeze shpreh shqetësim të madh për rritjen e dhunës dhe kërcënimeve në shkolla dhe propozon masa më të ashpra disiplinore për të trajtuar problemet.

Sipas një raporti të ri, drejtorët dhe mësuesit duhet të kenë fuqi më të mëdha për të vendosur masa ndëshkuese, si dhe të bëhet më e lehtë përjashtimi ose transferimi i nxënësve që shfaqin sjellje të dhunshme.

– “Besojmë se një lidership më autoritar është i nevojshëm, ku drejtorët dhe mësuesit të kenë autoritetin e plotë për të marrë masa ndaj sjelljeve të papërshtatshme,” deklaroi hetuesja Happy Hilmarsdottir Arenvall gjatë një konference për shtyp.

Edhe ministri i Arsimit, Johan Pehrson (L), e përshkruan situatën si alarmante:

– “Për shumë njerëz në shkolla, kërcënimet dhe dhuna janë bërë një realitet i përditshëm – diçka që nuk do të pranohej në asnjë vend tjetër pune. Për ta thënë troç, kjo është e tmerrshme.”

Qeveria planifikon të shqyrtojë raportin dhe të propozojë ndryshime ligjore për të forcuar sigurinë dhe disiplinën në shkolla.