Rënie e madhe e fluturimeve të brendshme në Suedi – Dallimi i madhë në vëndet e BE

Fluturimet e brendshme në Suedi vazhdojnë të bien ndjeshëm dhe vendi dallohet me një nga rëniet më të mëdha në Bashkimin Evropian. Sipas statistikave të Eurostat, numri i pasagjerëve në linjat e brendshme ka rënë me 41% midis viteve 2017 dhe 2023.

– “Është një rënie e madhe dhe e vazhdueshme,” thotë Jean-Marie Skoglund nga Trafikverket.

Edhe pse tendenca vërehet në disa vende evropiane, Suedia është ndër vendet me tkurrjen më të madhe të udhëtimeve ajrore të brendshme. Në Gjermani, për shembull, rënia ka qenë edhe më e thellë, duke arritur në 52% në të njëjtën periudhë.

Një tendencë e ngjashme vërehet edhe në vendet nordike fqinje, por Suedia ka pësuar një rënie më të madhe krahasuar me to. Ekspertët e industrisë ajrore e lidhin këtë zhvillim me faktorë si politikat e gjelbra, zgjerimi i rrjetit të trenave dhe ndryshimi i sjelljes së pasagjerëve.

A do të rikuperohet fluturimi i brendshëm?

Pavarësisht rënies, mbetet e paqartë nëse fluturimet e brendshme do të kthehen në nivelet e mëparshme. Ndërkohë, investimet në transportin hekurudhor dhe rritja e ndërgjegjësimit për ndikimin mjedisor mund ta bëjnë këtë kthesë edhe më të vështirë.