Masakra në Örebro: Autori i sulmit ishte një i vetmuar me probleme mendore

Burri i dyshuar për masakrën më të rëndë me armë në historinë e Suedisë ishte një i vetmuar që kishte përjetuar vështirësi të theksuara mendore. Këtë e pohojnë të afërmit dhe ish-shokët e tij të shkollës në deklarata për mediat suedeze.

Sipas një të afërmi që foli për Aftonbladet, burri, i cili ishte rreth të 35-ave, ishte tërhequr nga jeta sociale në vitet e fundit.
“Nuk kemi pasur shumë kontakt me të kohët e fundit, Ka kaluar një periudhë të vështirë,” tha ai.

Një tjetër familjar tregoi për gazetën se i dyshuari kishte pasur probleme të shëndetit mendor dhe nuk ishte shumë i shoqërueshëm. “Nuk duket se i pëlqenin njerëzit,” tha ai.

Sipas Expressen, burri ishte banor i Örebros dhe ishte i regjistruar në një adresë në qendër të qytetit.

Sulmi dhe vdekja e autorit

Burri tani dyshohet për masakrën më të rëndë me armë në historinë e Suedisë. Sipas autoriteteve, ai humbi jetën gjatë sulmit. Burime mediatike raportojnë se ai mund të ketë vrarë veten, por kjo ende nuk është konfirmuar nga policia.

Hetimet vazhdojnë për të zbuluar motivet dhe detajet e plota të ngjarjes tragjike që ka tronditur Suedinë.