Suedi: Shtetasit me dy shtetësi mund të mbeten pa ndihmë konsullore

Shtetasit suedezë që kanë edhe një shtetësi tjetër mund të humbasin të drejtën për të marrë ndihmë nga Suedia kur ndodhen jashtë vendit.

Së shpejti, qeveria do të nisë një hetim për të përcaktuar se cilët suedezë mund të marrin ndihmë konsullore jashtë shtetit, raporton Ekots lördagsintervju.

Sipas ministres së Jashtme, Maria Malmer Stenegard, kjo çështje është bërë aktuale, ndër të tjera, për shkak të konfliktit mes Izraelit dhe Hezbollahut në Liban.

“Atëherë lindin pyetje të tilla si: nëse dikush ka shtetësi të dyfishtë, a duhet të marrë të njëjtën ndihmë nga Suedia edhe nëse ka gjithashtu shtetësi libaneze?” shprehet Stenegard.

Ajo thekson se nuk dëshiron të paraprijë përfundimet e hetimit.