Suedia mund të zgjasë kohën e paraburgimit për azilkërkuesit e refuzuar

Qeveria suedeze po shqyrton një zgjatje të ndjeshme të kohës së paraburgimit për personat që kanë marrë refuzim për azil dhe që konsiderohen në rrezik arratisjeje. Një raport i ri hetimor propozon që koha maksimale e mbajtjes në përqendrim të shtyhet nga 12 në 18 muaj, duke shfrytëzuar kufirin maksimal të lejuar nga rregullat e BE-së.

Sipas propozimit, që tani pritet të debatohet në parlament, masat më të ashpra synojnë të lehtësojnë procesin e dëbimeve dhe të pengojnë qëndrimin e paligjshëm në vend. Përveç zgjatjes së kohës së përqendrimit, hetuesi po shqyrton edhe mundësinë e shtrirjes së kritereve për vendosjen e personave në paraburgim, si dhe përdorimin e mbikëqyrjes elektronike si një alternativë.

Nëse ndryshimet miratohen, Suedia do të rreshtohet ndër vendet me politikat më të rrepta të BE-së për menaxhimin e emigracionit. Debati pritet të jetë i ashpër, me mbështetësit që e shohin si një mjet për forcimin e zbatimit të ligjeve të emigracionit, ndërsa kritikët e konsiderojnë një hap që mund të shkelë të drejtat e njeriut.