Rekrutime të kufizuara në Kancelarinë e Qeverisë. Njoftimet e punës vetëm për personat me akses të brendshëm

Kancelaria e Qeverisë ka publikuar mbi 150 vende pune përmes një iPad-i të vendosur në hollin e institucionit, por vetëm personat me kartë hyrjeje kanë pasur mundësi t’i shohin njoftimet, zbulon një investigim i Dagens Nyheter.

Disa prej shpalljeve qëndruan të publikuara për vetëm disa ditë përpara se të hiqeshin, dhe asnjë prej tyre nuk u postua në internet apo në platforma të tjera të rekrutimit. Kjo praktikë ka ngritur shqetësime mbi transparencën dhe barazinë në procesin e punësimit në institucionin më të lartë qeveritar.

Karina Åbom Engberg, kryetare e sindikatës ST në Kancelarinë e Qeverisë, shprehet e befasuar nga ky zbulim dhe e kritikon ashpër këtë metodë të fshehtë rekrutimi.

Kjo është e papranueshme dhe e turpshme. Kancelaria e Qeverisë duhet të jetë një shembull për të gjitha institucionet shtetërore dhe të ndjekë rregullat për rekrutim të hapur. Jam e habitur që kjo praktikë ka vazhduar për kaq shumë vite, tha ajo për Dagens Nyheter.