Kërcënim serioz ndaj gjimnazit Teknikum në Växjö. Anulohet mësimi

Gjimnazi Teknikum në Växjö ka marrë një kërcënim, duke bërë që drejtuesit e shkollës të marrin masa të menjëhershme dhe të anulojnë të gjitha orët mësimore të mërkurën, raporton SVT Nyheter Småland.

— E marrim shumë seriozisht çdo kërcënim dhe kemi vendosur të veprojmë me kujdes maksimal duke pezulluar mësimin për të garantuar sigurinë e nxënësve dhe stafit, deklaroi Anders Elingfors, kreu i administratës së arsimit në komunën e Växjö.

Sipas policisë, kërcënimi është cilësuar si serioz dhe autoritetet kanë nisur hetimet. Gjatë ditës, forcat e rendit do të jenë të pranishme jo vetëm në gjimnazin Teknikum, por edhe në shkolla të tjera të komunës, për të garantuar sigurinë e stafit dhe nxënësve.