Gripi i shpendëve zbulohet në një fermë në Skåne

Gripi i shpendëve është konfirmuar në një fermë fazanësh në Kristianstad, raporton Aftonbladet. Për këtë arsye, Jordbruksverket (Autoriteti Suedez i Bujqësisë) ka vendosur që të gjithë 400 shpendët në fermë të asgjësohen.

Aktualisht po kryhet një gjurmim i përhapjes së infeksionit.

“Kjo bëhet për të parë nëse ka pasur kontakte me ferma të tjera të shpendëve dhe nëse virusi mund të jetë përhapur më tej”, ka deklaruar për gazetën Maria Nöremark, eksperte e sëmundjeve infektive te kafshët.

Ky është rasti i parë i gripit të shpendëve për këtë sezon.