Alarm në Kastrup. Ndalohet trafiku ajror pas një operacioni të madh policor

Një operacion i madh policor shkaktoi ndërprerjen e të gjithë trafikut ajror në aeroportin e Kopenhagen, Kastrup, gjatë natës dhe mëngjesit të së shtunës. Sipas mediave daneze, fluturimet u pezulluan për disa orë, por rifilluan pak pas orës 06:30.

Shkaku i alarmit ishte një incident i pazakontë: një 21-vjeçar depërtoi në zonën e aeroportit duke thyer një gardh me një furgon. Policia e Kopenhagen konfirmon se ai është arrestuar pas një “operacioni masiv policor” dhe po hetohet për motivet e tij.

Autoritetet nuk përjashtojnë mundësinë e arrestimeve të tjera, ndërsa siguria në aeroport është shtuar ndjeshëm pas ngjarjes.