Mungesa e parave Cash nuk përbën domosdoshmërisht një problem në rast lufte.

Mungesa e parave Cash nuk përbën domosdoshmërisht një problem në rast lufte. Sipas përvojave nga Ukraina, përdorimi i parasë fizike ra ndjeshëm pas javëve të para të konfliktit, ndërsa pagesat elektronike u rritën.

Këtë e konfirmon drejtori i përgjithshëm i Autoritetit Financiar të Suedisë (FI), Daniel Barr, në një deklaratë për agjencinë TT.

“Përveç ndoshta javëve të para, përdorimi i parave cash në Ukrainë ka rënë, ndërsa pagesat elektronike janë rritur”, tha Barr.

Megjithatë, FI këshillon qytetarët që të kenë gjithmonë një sasi të mjaftueshme parash kontant për të përballuar shpenzimet e një jave, në rast të një situate emergjente.