Rriten ndjeshëm rastet e gripit – kulmi ende nuk është arritur

Rastet e gripit në Suedi vazhdojnë të rriten me shpejtësi. Javën e kaluar, numri i të infektuarve u rrit me 27% krahasuar me javën pararendëse, sipas të dhënave të Autoritetit Suedez të Shëndetit Publik. Në total, janë raportuar 2,319 raste në të gjithë vendin, por ekspertët paralajmërojnë se kulmi i epidemisë ende nuk është arritur.

Këshilla për qytetarët: shmangni kontaktet me të tjerët

Autoritetet shëndetësore u bëjnë thirrje qytetarëve që të tregojnë kujdes për të shmangur përhapjen e infeksionit. Personat që shfaqin simptoma këshillohen të mos takojnë të tjerët, veçanërisht ata që i përkasin grupeve të rrezikuara, si të moshuarit dhe ata me sëmundje kronike.

– Nëse dikush bën pjesë në një grup të rrezikuar, është i moshuar ose vuan nga një sëmundje e mëparshme, mund të jetë e nevojshme trajtimi me ilaçe antivirale, thotë epidemiologu shtetëror Magnus Gisslén.

Ndërkohë, mjekët dhe autoritetet vijojnë monitorimin e situatës dhe u bëjnë thirrje qytetarëve të ndjekin rekomandimet për të reduktuar përhapjen e virusit.