Rusia refuzon armëpushimin njëmujor: “E papranueshme”

Rusia ka refuzuar propozimin për një armëpushim njëmujor në Ukrainë, duke argumentuar se Kievi do ta përdorte këtë periudhë për të forcuar kapacitetin e tij ushtarak.

Maria Zakharova, zëdhënëse e Ministrisë së Jashtme ruse, deklaroi se Moska e konsideron të papranueshme çdo lloj marrëveshjeje që nuk çon në një “zgjidhje përfundimtare dhe të qëndrueshme” të konfliktit.

Deklarata e saj vjen në një kohë kur komuniteti ndërkombëtar shton përpjekjet për të ndalur luftimet dhe për të gjetur një zgjidhje diplomatike për krizën në Ukrainë.