Faqja e Arbetsförmedlingen jashtë funksionit

Faqja zyrtare e Arbetsförmedlingen ka dalë jashtë funksionit, raporton Expressen. Sipas gazetës, problemi prek si personat që kërkojnë punë, ashtu edhe punonjësit e institucionit.

“Nuk e dimë ende shkakun, por jemi duke e hetuar problemin”, tha për gazeten zëdhënësi i shtypit, Hans G Larsson.

Ata që përpiqen të hyjnë në faqe, përballen me një mesazh gabimi:
“Për fat të keq, faqja aktualisht nuk funksionon. Jemi të vetëdijshëm për problemin dhe po punojmë për ta zgjidhur sa më shpejt të jetë e mundur.”