Swedbank rrit normat e interesit për kreditë hipotekare.

Swedbank ka njoftuar një tjetër rritje të normave të interesit për kreditë hipotekare me periudha fikse më të gjata, duke i bërë kostot e strehimit edhe më të shtrenjta për mijëra familje.

Sipas njoftimit të fundit, normat e ashtuquajtura “norma listë” për kreditë me periudhë fikse dyvjeçare janë rritur me 0.10%, duke arritur në 3.59%. Kreditë me periudhë fikse pesëvjeçare janë rritur me 0.35% dhe tani qëndrojnë në 3.89%. Për kreditë me periudhë fikse dhjetëvjeçare, norma e interesit ka arritur në 3.99%.

Ky ndryshim vjen pas njoftimeve të ngjashme nga banka të tjera të mëdha si Handelsbanken, Danske Bank, SBAB dhe Länsförsäkringar, të cilat gjithashtu kanë ngritur normat e interesit për kreditë hipotekare.

Vlen të përmendet se normat listë zakonisht janë më të larta se normat mesatare të interesit që banka përdor në marrëveshjet me klientët e saj për kreditë hipotekare.

Analistët paralajmërojnë se këto rritje mund të krijojnë vështirësi të mëdha financiare për shumë familje, sidomos në një periudhë kur inflacioni dhe kostot e tjera të jetesës vazhdojnë të jenë të larta.