Policia paralajmëron për vjedhjet e makinave Lexus në Stockholm

Në Stockholm po ndodh një valë vjedhjesh dhe makina të caktuara janë bërë shënjestër. Që nga fillimi i vitit, janë vjedhur 14 makina të modelit Lexus RX 450H, njofton Policia.

Sipas policisë, këto makina kanë vlerë të lartë dhe, edhe pse janë përmirësuar masat e sigurisë, është ende e lehtë për t’i vjedhur. Hajdutët shpesh i bëjnë një vrimë në bagazh për të vjedhur makinat.

Inspektori i policisë, Tobias Sandström, tha se ka pasur raste kur policia ka ndaluar makina dhe ata që udhëtonin me to kryesisht vinin nga shtetet e Lindjes.