BE u kërkon qytetarëve të jenë gati në rast krize apo lufte.

Bashkimi Evropian (BE) ka bërë një thirrje për të gjithë qytetarët që të jenë të përgatitur në rast emergjencash, si fatkeqësi natyrore, krizë apo luftë. Sipas udhëzimeve të reja, çdo familje duhet të ketë furnizime për të paktën 72 orë.

Kjo strategji është marrë si shembull nga vende si Suedia, Norvegjia, Finlanda dhe Gjermania, ku qytetarët këshillohen të jenë të përgatitur për çdo situatë të papritur.

Komisionerja e BE-së për Kriza, Hadja Lahbib, ka publikuar një video ku tregon se çfarë duhet të ketë çdo familje:

✅ Një qese plastike të papërshkueshme nga uji për dokumente të rëndësishme

✅ Elektrik dore

✅ Shkrepëse dhe çakmak

✅ Rezerva uji dhe ushqimi

✅ Një thikë shumëfunksionale

✅ Ilaçe të domosdoshme

✅ Para cash

✅ Karikues për telefonin

✅ Radio për të dëgjuar lajmet

“Këto janë gjërat më të rëndësishme që ju nevojiten për të mbijetuar 72 orët e para në një krizë”, – thotë Lahbib.

BE po mendon gjithashtu të krijojë një ditë të veçantë për përgatitjen ndaj krizave, si dhe të mësojë fëmijët në shkolla për rëndësinë e gatishmërisë.

Disa njerëz e kanë kritikuar këtë plan, duke thënë se ai vetëm sa i frikëson qytetarët.

Por Roxana Minzatu, zëvendëspresidente e Komisionit Evropian, shpjegon:

“Nuk ka arsye për panik. Është thjesht një masë sigurie, ashtu si një sigurim për shtëpinë apo makinën. Është më mirë të jemi të përgatitur.”

A do ta zbatojnë të gjitha vendet këtë plan? Kjo mbetet për t’u parë.

Burimi https://www.expressen.se/nyheter/varlden/uppmaningen-till-alla-eu-invanare-forbered-for-krig/