Tony’s tërheq çokollata nga tregu

Kompania Tony’s Chocolonely ka vendosur të tërheqë nga tregu dy lloje çokollate, pasi mund të përmbajnë gurë të vegjël që mund të jenë të rrezikshëm për konsumatorët.

Produktet që preken nga tërheqja janë:

• Dark Almond Sea Salt (180g) me datat e skadencës 1 prill 2026 dhe 4 mars 2026.

• Greatest Bits (180g) me datat e skadencës 21 nëntor 2025 dhe 22 nëntor 2025.

John Sjöblom, drejtuesi i kompanisë në Suedi, tha se ata janë shumë të penduar për situatën, por siguria e konsumatorëve është prioriteti kryesor.

— Edhe pse rreziku është i ulët, ne duam të sigurohemi që asnjë konsumator të mos preket, ndaj kemi vendosur të tërheqim produktet nga tregu, tha ai në një deklaratë për shtyp.

Konsumatorët që kanë blerë këto çokollata këshillohen të mos i konsumojnë dhe të kontaktojnë kompaninë për kthimin e produktit.