Fituesit dhe humbësit e mëdhenj të pagave në Suedi – Kush po fiton më shumë dhe kush po humb terren?

Paga mesatare reale në Suedi ka rënë me 6% gjatë dhjetë viteve të fundit, nga viti 2014 deri në 2023. Megjithatë, disa profesione kanë përfituar rritje të ndjeshme të pagës, ndërsa të tjerë kanë humbur më shumë se një të katërtën e vlerës reale të të ardhurave të tyre.

Sipas një analize të Svenska Dagbladet (SvD), okulistët janë fituesit më të mëdhenj, me një rritje prej 17% të pagës së tyre reale, e cila tani arrin në 43 600 krona në muaj. Sipas gazetës, kjo rritje vjen për shkak të mungesës së specialistëve në këtë fushë.

Një tjetër profesion që ka përfituar është IT “dizajner i lojërave”, ku pagat janë rritur me 16%.

Në anën tjetër, agjentët e pasurive të paluajtshme dhe pilotët janë ata që kanë humbur më shumë. Agjentët kanë parë një rënie prej 28% të pagës reale, ndërsa për pilotët rënia është 23%. Paga mesatare e agjentëve të pasurive të paluajtshme në 2023 ishte 42 900 krona, ndërsa për pilotët 71 200 krona.

Ndryshimet në paga tregojnë se disa profesione janë më të kërkuara në treg, ndërsa të tjerët po përballen me sfida ekonomike dhe konkurrencë më të lartë.