Suedia s’ka më dobi nga krona dhe mund të kalojë në euro, Norvegjia në të njëjtat hapa.

Suedia po mendon seriozisht të braktisë monedhën e saj kombëtare, kronën, dhe të kalojë në euro gjatë vitit 2025. Kjo ide u hodh fillimisht nga ish-sekretari i shtetit PM Nilsson dhe tani po përkrahet edhe nga ekonomistë në Norvegji.

Kryeekonomisti i grupit norvegjez Eika, Jan Ludvig Andreassen, thotë se suedezët e kanë kuptuar se krona nuk u sjell më përfitime dhe se është më mirë të përdorin euron.

Sipas tij, Suedia dëshiron të jetë më e përfshirë në vendimet që merren nga Bashkimi Evropian për ekonominë dhe normat e interesit. Danimarka ka zgjedhur të qëndrojë jashtë euros, por Suedia duket se ka një qasje ndryshe.

Andreassen thotë se nëse Suedia kalon në euro, atëherë edhe Norvegjia mund të jetë e detyruar ta ndjekë shembullin.

“Kur Suedia të bëjë hapin, Norvegjia do të vijë pas,” tha ai për faqen ekonomike norvegjeze Børsen.