Të rinjtë në Suedi jetojnë falas në shtëpinë e prindërve

Më shumë se gjysma e të rinjve në Suedi që jetojnë ende me prindërit nuk kontribuojnë financiarisht në familje. Sipas një raporti të ri nga Ica Banken, 53% e të rinjve nuk paguajnë as për ushqim, as për qira dhe as për shpenzime të tjera të shtëpisë.

Eksperti i ekonomisë së përditshme pranë bankës, Magnus Hjelmér, shprehet se prindërit shpesh mendojnë se po u ndihmojnë fëmijëve duke mos u kërkuar para. Por ai paralajmëron se kjo mund të ketë pasoja negative.

“Nëse të rinjtë nuk mësohen të përballojnë vetë shpenzimet, do ta kenë më të vështirë kur të jetojnë vetëm,” thotë Hjelmér.