Viruse të shumta në qarkullim vetëm 5% mund të trajtohen

Në Suedi po qarkullojnë më shumë viruse se zakonisht, sipas një raporti nga Laboratori Universitar Karolinska që është publikuar nga TV4.

Viruset që përhapen më shumë janë gripi, virusi RS, pneumonia dhe koronavirusi. Ekspertët nuk janë të sigurt pse kjo po ndodh, por profesori i mikrobiologjisë klinike, Niklas Arnberg, beson se kjo mund të lidhet me pandeminë. Ai thotë se gjatë asaj kohe, njerëzit nuk u ekspozuan ndaj viruseve dhe si pasojë sistemi imunitar u dobësua.

Ai këshillon që njerëzit të lajnë duart shpesh me sapun dhe ujë për t’u mbrojtur nga infeksionet.

“Ne kemi shumë pak mjete kundër viruseve. Mund të trajtojmë ose vaksinojmë vetëm 5% të rreth 1,000 viruseve që njohim,” tha ai për TV4.