Ekspert: Suedia duhet të ndjekë shembullin e Norvegjisë dhe Danimarkës për të qeverisur më lehtë

Formimi i qeverisë në Suedi po bëhet gjithnjë e më i ndërlikuar. Johannes Lindvall, profesor i shkencave politike në Universitetin e Göteborg-ut, propozon që Suedia të ndryshojë mënyrën e qeverisjes dhe të marrë shembull nga vendet fqinje si Norvegjia dhe Danimarka. Ai e shpreh këtë në një artikull për gazetën Göteborgs-Posten.

Sipas tij, problemi është se Partia Qendrore (C) shpesh duhet të zgjedhë mes bashkëpunimit me të Majtën (V) ose me Demokratët e Suedisë (SD), gjë që krijon ngërç politik.

Ai sugjeron që kryeministri të formojë një qeveri në pakicë, që të kërkojë mbështetje të gjerë në parlament për çdo vendim, veçanërisht për buxhetin. Çdo vit, pasi qeveria paraqet buxhetin në parlament, duhet të negociojë me partitë e tjera për ta miratuar atë. Nëse nuk arrihet marrëveshje dhe qeveria humbet votimin për buxhetin, atëherë ajo duhet të japë dorëheqjen.

Sipas Lindvall, kjo mënyrë do ta bënte politikën suedeze më të qëndrueshme dhe më të lehtë për t’u drejtuar.