Magdalena Andersson rizgjidhet lidere e Socialdemokratëve. Synon të bëhet sërish kryeministre

Magdalena Andersson është rizgjedhur si kryetare e Partisë Socialdemokrate gjatë kongresit të mbajtur në qytetin Goteborg. Në fjalimin e saj, ajo falënderoi delegatët për besimin dhe tha se me këtë mbështetje kërkon sërish të bëhet kryeministre e Suedisë.

“Faleminderit për mandatin. Me këtë përkrahje, unë dua të marr besimin e popullit për të udhëhequr Suedinë si kryeministre”, tha Andersson.

Ajo theksoi se situata në botë është më e pasigurt se më parë dhe se kjo kërkon politika të forta dhe të qarta. Andersson prezantoi tre qëllime kryesore që do të ndjekë nëse partia e saj fiton zgjedhjet:

1. Të forcohet siguria e Suedisë, brenda dhe jashtë vendit.
2. Të rritet bashkimi dhe mirëkuptimi në shoqëri.
3. Të përmirësohet ekonomia, në mënyrë që të gjithë ta ndiejnë ndryshimin në jetën e përditshme.

“Kjo do të ndjehet në xhepat tuaj dhe në jetën tuaj të përditshme”, tha ajo.

Magdalena Andersson u bë lidere e partisë në vitin 2021 dhe u zgjodh kryeministre. Ajo dha dorëheqjen pas humbjes së zgjedhjeve në vitin 2022, por tani shpreson të rikthehet në postin më të lartë të qeverisë.