Mobilje të jashtme me vlerë 400 mijë korona janë vjedhur në Stokholm

Në jug të Stokholmit janë raportuar shumë vjedhje të mobiljeve të kopshtit. Policia ka marrë mbi 20 ankesa nga qytetarë që thonë se dikush u ka vjedhur tavolina dhe karrige nga oborret apo ballkonet e tyre.

Sipas raportimit të SVT Nyheter Stockholm, bëhet fjalë për mobilje të shtrenjta, të cilat shiten lehtë më pas, pasi nuk kanë ndonjë shenjë identifikuese që tregon se kujt i përkasin.

“Këtë vit duket se ka më shumë raste se zakonisht”, thotë Andreas Lindfors nga Policia e Globenit për gazetën Mitt i.

Vlera totale e mobiljeve të vjedhura është rreth 400 mijë korona. Policia u bën thirrje qytetarëve të jenë të kujdesshëm dhe të raportojnë çdo aktivitet të dyshimtë.