Aplikacioni shëndetësor “Min vård” merr kritika të forta. bën gabime serioze në vlerësim.

Aplikacioni “Min vård”, që përdor inteligjencë artificiale dhe përdoret nga disa komuna në Suedi, po kritikohet për gabime të rënda në vlerësimin e pacientëve. Lajmi u raportua nga SVT Nyheter Gävleborg.

Sipas raportit, aplikacioni ndonjëherë dërgon njerëzit tek mjeku edhe kur nuk kanë nevojë, por në raste të tjera nuk e kupton sa serioze është gjendja e tyre,  gjë që mund të jetë shumë e rrezikshme.

Në një rast, një burrë i moshuar vdiq një ditë pasi aplikacioni nuk e vlerësoi siç duhej gjendjen e tij. Ende nuk është e sigurt nëse vdekja lidhet me gabimin e aplikacionit, por ngjarja ka ngritur shqetësime të mëdha.

Elisabeth Månsson Rydén, mjeke në Gävleborg, është shumë e shqetësuar për situatën.

“Mjekët në takimet tona e kanë quajtur aplikacionin “Min vård Gävleborg” një katastrofë”, tha ajo.