Të gjitha bibliotekat në shkolla duhet të kenë staf, ligji i ri hyn në fuqi.

Nga sot, në Suedi hyn në fuqi një ligj i ri që kërkon që çdo shkollë të ketë një bibliotekë me staf. Kjo do të thotë që bibliotekat në shkolla nuk mund të jenë bosh apo të mbyllura, duhet të ketë një person që punon aty kur nxënësit kanë nevojë.

Qëllimi i ligjit është që të gjithë nxënësit të kenë mundësi të barabarta për të lexuar libra dhe për të marrë ndihmë me informacionin që u nevojitet në shkollë.

Por në realitet, zbatimi i ligjit nuk është aq i lehtë. Shumë shkolla nuk kanë ende staf për bibliotekat.

“Ka ende shumë për të bërë para se ligji të zbatohet plotësisht”, thotë Anna Troberg nga sindikata DIK, që përfaqëson punonjësit e kulturës dhe bibliotekave.

Një tjetër problem është se nuk ka kërkesë që personi që punon në bibliotekë të jetë bibliotekar me arsim të posaçëm. Arsyeja është se ka mungesë të bibliotekarëve në të gjithë vendin, sipas Agjencisë Kombëtare të Arsimit në Suedi.