Çmimet në “taxfree” të Arlandës më të shtrenjta se në internet

Shumë udhëtarë mendojnë se dyqanet “taxfree” në aeroport janë më të lira, por një studim i ri tregon të kundërtën.

Sipas faqes suedeze për krahasimin e çmimeve, Prisjakt, nëntë nga dhjetë produkte në taxfree në aeroportin Arlanda janë më të shtrenjta se në internet.

Mesatarisht, çmimet në Arlanda janë 38% më të larta sesa në dyqanet online. Kremrat kundër diellit dhe parfumet janë produktet me dallimin më të madh në çmim.

“Shumë njerëz mendojnë se “taxfree” do të thotë më lirë, sidomos kur janë duke shkuar me pushime, por kjo nuk është gjithmonë e vërtetë”, thotë Isabella Ahmadi, eksperte për konsumatorët në Prisjakt, për SVT.

Këshilla për udhëtarët: Kontrolloni çmimet në internet përpara se të blini në aeroport!