Gruri i lirë po i streson fermerët, e mbajnë në magazinë nga halli.

Çmimi i grurit ka rënë aq shumë, saqë fermerët suedezë nuk po arrijnë as të mbulojnë shpenzimet e prodhimit. Sipas kompanisë BM Agri, që merret me tregtinë e drithërave dhe bimëve vajore, kjo situatë po i vë bujqit në vështirësi të mëdha.

Ka shenja që çmimi mund të rritet për shkak të një monedhe suedeze më të dobët dhe korrjeve të dobëta në SHBA. Por nga ana tjetër, korrjet e mira në shumë vende të Evropës po e mbajnë çmimin të ulët.

“Ka faktorë që tërheqin në drejtime të ndryshme, por unë besoj se çmimi i grurit do të ngrihet”, tha Per-Arne Gustavsson, drejtori i BM Agri, për gazetën Dagens Industri.

Edhe në SHBA fermerët ndodhen në të njëjtën situatë. Shumë prej tyre nuk po e shesin grurin, sepse çmimi është shumë i ulët.

“Njoh bujq që e kanë grurin në magazinë dhe nuk duan ta shesin derisa të rritet çmimi”, tha fermeri amerikan Jim Pellman për Bloomberg.

Fermerët shpresojnë që tregu të ndryshojë së shpejti përndryshe, humbjet do të jenë të mëdha.