Vonesa në pagesat e pagave nga Skatteverket, punëtorët presin me muaj.

Që kur Skatteverket (Administrata Tatimore) mori përsipër pagesat e garancisë shtetërore të pagave, shumë punëtorë kanë filluar të presin më gjatë për të marrë paratë e tyre. Më parë këtë detyrë e kishin zyrat e qarkut (länsstyrelserna).

Hans Andersson, kryetar i Shoqatës Kombëtare të Përmbaruesve, thotë për radion Lunchekot se ky ndryshimi nuk ka shkuar mirë.

“Kjo nuk ka funksionuar pa probleme. As vetë Skatteverket nuk është i kënaqur me mënyrën si ka ecur”, thotë ai.

Si shembull jepet falimentimi i kompanisë Northvolt, ku disa punonjës janë detyruar të presin me muaj për të marrë rrogat e mbetura.

Skatteverket thotë nga ana e vet se shumica e punëtorëve i marrin paratë brenda 5 deri në 10 ditë, përveç rasteve kur kërkohet një kontroll më i hollësishëm.