Skåne përdor teknologjinë për të frenuar mbipopullimin turistik

Për të frenuar mbipopullimin në destinacionet turistike të Skånes, rajoni ka lançuar shërbimin Uncrowded.

Për SVT, përgjegjësja për inovacion te Visit Skåne, Maria Larsson, shpjegon se janë vendosur matës nën tokë nëpër parkingje pranë vendeve të njohura turistike. Këta matës regjistrojnë sa makina hyjnë dhe dalin. Vizitorët e mundshëm kështu mund të shohin parashikime mbi mbipopullimin, të bazuara në motin dhe modelet e mëparshme të vizitave, përmes internetit.

“Turizmi ka një rol të rëndësishëm dhe nuk bëhet fjalë për ta zvogëluar atë, por për ta menaxhuar më mirë”,  thotë Maria Larsson.