Shtatë nga dhjetë suedezë duan taksë më të lartë për snusin e bardhë

Një sondazh i ri nga kompania Novus tregon se shumica e suedezëve, rreth 70%, janë pro rritjes së taksës për snusin e bardhë. Studimi është bërë me porosi të organizatës A non smoking generation, që punon për të ulur përdorimin e nikotinës tek të rinjtë.

Edhe të rinjtë nga 14 deri në 18 vjeç, të cilët kanë gjithnjë e më shumë akses në produkte me nikotinë, mendojnë se taksa duhet të rritet.

Louise Adermark, eksperte në neurobiologji në Akademinë Sahlgrenska, thotë se rritja e çmimit do të ndihmonte të ulte përdorimin tek të rinjtë:

“Po shohim një rritje të madhe të përdorimit të snusit tek të rinjtë. Ata janë të ndjeshëm ndaj çmimeve, ndaj rritja e taksës mund t’i mbrojë nga këto produkte.”