Disa çmime po ulen në Suedi. Karburanti dhe domatet më të lira

Ndërsa vitet e fundit inflacioni ka bërë që shumë gjëra të shtrenjtohen në Suedi, disa produkte janë bërë më të lira.

Sipas një raportimi të gazetës DN, çmimi i karburanteve ka rënë më së shumti gjatë periudhës nga qershori 2024 deri në korrik 2025. Karburanti është bërë më i lirë me 13,1%, kryesisht falë uljes së detyrimit për përzierjen e biokarburanteve.

Edhe çmimet e energjisë elektrike, ngrohjes qendrore dhe disa ushqimeve si domatet dhe patatet kanë pësuar rënje krahasuar me vitin e kaluar. Po ashtu, edhe disa lloje rrobash tani kushtojnë më pak.

Kjo tregon se, ndonëse shumica e produkteve janë shtrenjtuar, ka ende disa lehtësime për konsumatorët.

Burimi: DN