Timbro dëshiron që të ketë pagesë për të ngarë në autostradë

Tarifat e rrugës duhet të vendosen në autostradat kryesore në Suedi dhe të ardhurat duhet të dedikohen posaçërisht për mirëmbajtjen e domosdoshme. Këtë e shkruan Adam Danieli nga instituti liberal i mendimit “Timbro” në një artikull debati në Expressen.

Sipas tij, ata që marrin trenin ose avionin tashmë financojnë mirëmbajtjen përmes tarifave shtesë në biletat e tyre, por shoferët e makinave përjashtohen nga kjo. Në shumë vende të tjera evropiane, mirëmbajtja e rrugëve financohet nga tarifa nëpër pika pagesash.

Ai e sheh këtë pjesërisht si një çështje drejtësie, kush përdor rrugën duhet të paguajë, në vend që të gjithë taksapaguesit të ndajnë faturën. Nëse vendosen tarifat e rrugës, edhe taksat e tjera mund të ulen.

“Së paturi një makinë nuk shkakton vetë kosto për shoqërinë. Taksa e mjeteve duhet të hiqet. Edhe taksa mbi karburantin mund të ulet kur dëmtimi i rrugëve paguhet drejtpërdrejt nga ata që ngasin.”