Inflacioni rritet në korrik për shkak të pushimeve verore

Inflacioni në Suedi u rrit në 3,0% gjatë korrikut, sipas të dhënave zyrtare nga Agjencia e Statistikave (SCB). Rritja lidhet kryesisht me çmime më të larta për paketat turistike, qiranë e makinave dhe ushqimet produkte e shërbime që zakonisht shtrenjtohen gjatë sezonit të pushimeve.

Statistikani Mikael Nordin nga SCB shpjegoi se këto rritje çmimesh kanë ndikuar drejtpërdrejt në shtimin e inflacionit krahasuar me qershorin.

Pas publikimit të shifrave, krona suedeze ra lehtë ndaj dollarit amerikan, por më pas e rikuperoi humbjen dhe madje u forcua pak.

Ndërkohë, inflacioni bazë  që përjashton kostot e energjisë, është rritur nga 3,1% në 3,2%, sipas rishikimit të fundit të SCB.