Kurse qindra korona: Ja strategjia suedeze për të shmangur pagesat e çantave të dorës

Udhëtimet me avion nuk janë më aq të lira sa dikur. Sot shpesh nuk është bileta ajo që kushton më shumë  por shërbimet shtesë si zgjedhja e vendit, hipja e shpejtë në avion dhe sidomos tarifat për bagazhin e dorës.

Por suedezët kanë gjetur një mënyrë të re për të kursyer para. Strategjia është e thjeshtë, ligjore dhe po bëhet gjithnjë e më popullore. Me të, mund të kursehet 300 deri në 700 kr për çdo udhëtim.

Rregullat e reja kushtojnë shtrenjtë

Shumë kompani ajrore me çmime të ulëta kanë ndryshuar rregullat. Tani vetëm një cantë e vogël personale, që futet nën ulësen përpara, është falas. Ndërsa një çantë kabine, edhe kur i përmbush masat, kërkon pagesë shtesë.

Këto tarifa arrijnë shpesh 300–500 kr për një drejtim.

“Pagova më shumë për çantën se për biletën. Ishte e pabesueshme,” tregon një grua, 34 vjeç, e cila fluturoi nga Göteborg në Berlin.

Kjo ka bërë që shumë udhëtarë të kërkojnë mënyra të zgjuara për të shmangur shpenzimet, pa shkelur rregullat.

Si funksionon taktika suedeze

Metoda që po përhapet në Suedi bazohet në tre hapa të thjeshtë:

1. Zgjidh çantën e duhur  përdor një çantë sa më të madhe brenda masës së lejuar (rreth 40x30x20 cm).
2. Përdor xhepa të fshehtë  jelekë, xhaketa apo bluza me hapësira të brendshme bëhen si “çantë shtesë”.
3. Paketo me kujdes  rrotullo rrobat, vish gjërat e rënda gjatë udhëtimit dhe shmang sende të panevojshme.

Kështu, shumë udhëtarë arrijnë të marrin pothuajse po aq gjëra sa me një bagazh kabine  por pa paguar.

Çfarë bëjnë suedezët ndryshe

Suedezët janë mësuar të udhëtojnë lehtë dhe kjo i bën ata të përshtaten shpejt. Shumë madje planifikojnë veshjet sipas hapësirës së paketimit, jo sipas motit.

5 këshillat kryesore për të kursyer

• Kontrollo gjithmonë rregullat e kompanisë ajrore masat ndryshojnë.
• Zgjidh një çantë shpine në vend të valixhes me rrota.
• Vish me shtresa  gjërat e rënda ose të mëdha mbaji veshur.
• Shfrytëzo xhepat e xhaketës dhe hapësirat e brendshme.
• Bëj provë në shtëpi  mëso të organizosh shpejt çantën në rast kontrolli.

Jo vetëm kursim, por edhe liri

Përveç kursimit, udhëtarët thonë se kjo mënyrë sjell më shumë lehtësi: nuk pret në rradhë për bagazh, lëviz më shpejt në aeroport dhe nuk ke frikë se çanta do vonohet ose humbasë.

“Është një ndjesi çlirimi të përballosh me më pak gjëra,” thonë shumë prej tyre.

Një trend që po përhapet

Me rritjen e çmimeve të shërbimeve shtesë, kjo strategji po fiton gjithnjë e më shumë popullaritet. Kërkon pak planifikim, por kursimi është i menjëhershëm.

Herën tjetër që bën një rezervim, pyet veten:

A duhet vërtet të paguaj për çantën? Apo mund të bëj si suedezët të udhëtoj më cantë të vogël, më zgjuar dhe më lirë?