Rekord infektimesh me TBE në Suedi

Gjatë vitit 2024, gjithsej 384 persona në Suedi u infektuan me TBE, encefalit i rrezikshëm që shkaktohet nga pickimi i rriqrave.

Vetëm deri në mesin e gushtit të këtij viti, Autoriteti i Shëndetit Publik ka regjistruar 269 raste të reja, një shifër shumë e lartë krahasuar me vitet e fundit.

“Është një nivel më i lartë se zakonisht,” thotë Caroline Schönning, hetuese në këtë institucion.

Sipas saj, nuk është e lehtë të thuhet saktësisht pse numri i të infektuarve po rritet. Një arsye e mundshme është ndryshimi i klimës. Rriqrat tani kanë një sezon më të gjatë, sepse moti i ngrohtë zgjat më shumë se më parë.

Përveç kësaj, verat e nxehta bëjnë që më shumë njerëz të kalojnë kohë jashtë në natyrë, duke rritur kështu rrezikun e infektimit.

“Janë shumë faktorë që ndikojnë njëkohësisht,” shton Schönning.

Burimi: Aftonbladet