Gruaja lindi në parking, materniteti ishte i mbyllur

Një grua në Suedi u detyrua të lindte në një parking pasi materniteti në Lycksele ishte i mbyllur për pushimet verore. Ajo ishte udhëzuar të shkonte në Umeå për të lindur, por nuk arriti të mbërrinte me kohë, raporton Folkbladet.

Mbyllja e maternitetit gjatë verës ka shkaktuar debat të madh në rajon. Pas kësaj ngjarjeje ka reaguar politikania rajonale Maria Kristoffersson nga Partia Qendrore, e cila shprehu shqetësimin se situata e tillë krijon pasiguri tek familjet.

“Pyetja është nëse njerëzit guxojnë të bëjnë më shumë fëmijë. Ky është efekti i këtyre vendimeve. Nuk preken vetëm prindërit që e përjetuan këtë, por edhe të gjithë ata që mendojnë të bëjnë fëmijë. Çfarë mendimesh do t’u lindin atyre?”, u shpreh Kristoffersson.

Burimi: Aftonbladet