Postnord ndalon përkohësisht paketat drejt SHBA-së

Që nga data 23 gusht, kompania Postnord ka vendosur të ndalojë përkohësisht dërgesat e pakove drejt Shteteve të Bashkuara. Lajmin e bëri të ditur kompania përmes një komunikate për shtyp.

Shkaku i ndalimit është një ndryshim i ri në rregullat doganore të SHBA-së. Saktësisht, është hequr përjashtimi i quajtur De Minimis, i cili lejonte që mallrat me vlerë nën 800 dollarë të dërgoheshin pa paguar doganë apo taksa.

Björn Bergman, shefi i Group Brand and Communication në Postnord, tha:

“Vendimi është i pafat, por i domosdoshëm për të siguruar që të gjitha rregullat e reja të zbatuara respektohen plotësisht.”

Kjo do të thotë se përkohësisht, paketat që dërgohen nga Suedia drejt SHBA-së nuk do të nisen derisa situata të qartësohet.