Krimi i organizuar lidhet edhe me vjedhje e mashtrime

Krimi i organizuar në Suedi nuk kufizohet më vetëm tek dhuna me armë dhe veprimet e rënda, por lidhet gjithnjë e më shumë edhe me krimet e përditshme si vjedhjet dhe mashtrimet.

Këtë e tregon një raport i ri i përbashkët nga disa institucione, sipas asaj që raporton Ekot.

“Nuk është më e arsyeshme të bëjmë ndarje mes krimit të organizuar, si dhuna me armë, dhe krimeve të përditshme”, u shpreh Johan Olsson, shefi i Departamentit Operativ Kombëtar të policisë.

Raporti paralajmëron se ky zhvillim përbën rrezik për konkurrencën e lirë, për demokracinë dhe për sigurinë fizike të qytetarëve.