Studim: Mijëra vende pune me kohë të plotë për të rinjtë nëse ulen kontributet e punëdhënësve

Dhjetëra mijëra vende të reja pune me kohë të plotë për të rinjtë mund të krijohen nëse ulen kontributet e punëdhënësve. Njëkohësisht, kjo do të ofronte mundësi të mëdha për punëtorët që të kalojnë nga puna me kohë të pjesshme në atë me kohë të plotë. Këtë e tregon një raport i ri nga Shoqata Suedeze e Sipërmarrjes (Svenskt Näringsliv).

Kontributi i punëdhënësve u ul me 11 pikë përqindjeje në vitin 2007, por në analizat e mëvonshme u konstatua se kjo ishte një reformë tepër e kushtueshme.

Krye-ekonomisti Sven-Olov Daunfeldt thekson se studimet e mëparshme mund të kenë nënvlerësuar efektet e uljes së kontributeve mbi papunësinë tek të rinjtë. Ai argumenton se deri në 38 000 vende pune me kohë të plotë mund të krijohen nëse hiqet tarifa e përgjithshme e pagave, e cila përbën më shumë se një të tretën e kontributit të punëdhënësit, për të rinjtë nën 26 vjeç.

“Është një reformë që nevojitet”, thotë ai.