Përplasje mes partive të marrëveshjes Tidö: Ushqime më të lira apo rritje e ndihmës për fëmijë

Në përgatitjet për buxhetin e vjeshtës, partitë e marrëveshjes Tidö nuk po arrijnë marrëveshje se si duhet të ndihmohen familjet suedeze.

Sipas gazetës Expressen, Kristdemokratët (KD) dhe Liberalët (L) propozojnë që ndihma të vijë përmes rritjes së ndihmës për fëmijë. Nga ana tjetër, Demokratët Suedezë (SD) mendojnë se mbështetja duhet t’i përfshijë të gjitha familjet dhe duan ulje të TVSH-së për ushqimet, në mënyrë që çmimet të bien.

Kjo ka qenë një nga çështjet ku bisedimet janë bllokuar, dhe sipas burimeve, do të nevojitet një seancë e gjatë nate përpara konferencës për shtyp të së enjtes. Në atë ditë, ministrja e financave Elisabeth Svantesson (M) do të paraqesë se sa hapësirë ka qeveria për reforma në buxhet.

Përçarja nuk është vetëm mes partive të koalicionit. Edhe brenda Moderatëve (M) ka pasiguri mbi cilin opsion është më i mirë. Në parti ekziston një skepticizëm i përgjithshëm si ndaj rritjes së ndihmave, ashtu edhe ndaj aplikimit të niveleve të ndryshme të TVSH-së.

Një ulje e TVSH-së për ushqimet do të ishte një masë shumë e kushtueshme, që sipas llogarive do t’i kushtonte shtetit disa miliarda.