Qeveria kërkon të vendosë “frenë tatimore” për komunat

Qeveria suedeze ka njoftuar se do të nisë një hetim për të parë se si mund të ndalet rritja e taksave nga komunat dhe rajonet. Lajmi u bë i ditur në një konferencë për shtyp nga ministrja e Financave, Elisabeth Svantesson (M), ministri i Çështjeve Civile, Erik Slottner (KD), dhe ministri i Tregut të Punës, Johan Britz (L).

Sipas ministrit Slottner, është me rëndësi që uljet e taksave të vendosura nga shteti të mos shuhen nga vendime të komunave për të rritur tatimet.

Hetimi për këtë çështje do të përfundojë dhe prezantohet më së voni në shkurt të vitit të ardhshëm.