Suedi: Papunësia në gusht arrin në 7 %.

Papunësia në Suedi ka shënuar rritje dhe gjatë muajit gusht arriti në 7%, krahasuar me 6,8% një vit më parë. Sipas të dhënave mujore të Zyrës së Punësimit, numri i të papunëve u rrit me 11 mijë persona krahasuar me gushtin e kaluar.

Sipas drejtoreshës së analizës në Zyrën e Punësimit, Eva Samakovlis, recesioni i zgjatur ka prekur edhe ata që zakonisht kanë pasur një pozitë më të fortë në tregun e punës. Ajo thekson se një tregues i qartë i presionit në tregun e punës është fakti që numri i vendeve të lira të punës po rritet shumë ngadalë.

Megjithatë, ka edhe një zhvillim pozitiv: më shumë persona gjetën punë këtë gusht, krahasuar me të njëjtën periudhë të vitit të kaluar.