SMHI: Paralajmërim për erëra të forta në Suedi.

Instituti suedez i motit SMHI ka dhënë një paralajmërim të verdhë për erë të fortë që pritet të godasë Västra Götaland dhe jugperëndimin e Svealand gjatë ditës së shtunë.

Banorët këshillohen të sigurojnë mirë objektet e lira si trampolinat dhe mobiliet e kopshtit, për të shmangur dëmet.

“Mos harroni se edhe skelat e ndërtimit mund të rrëzohen nga era”, shkruan SMHI në faqen e saj zyrtare.

Autoritetet paralajmërojnë gjithashtu për rrugë të bllokuara si edhe ndërprerje në rrjetet e energjisë elektrike dhe të telefonisë.

Sipas meteorologut Lasse Rydqvist nga Klart.se, kulmi i stuhisë Amy pritet në Bregun Perëndimor të shtunën në mëngjes, kur shpërthimet e erës mund të arrijnë forcën e një uragani.