SD kërkon komision të së vërtetës për të ndaluar mbështetjen e terrorizmit

Partia Sverigedemokraterna (SD) propozon krijimin e një komisioni të së vërtetës që do të hetojë mënyrën se si fondet publike suedeze mund të kenë përfunduar te organizata me lidhje me islamizmin dhe terrorizmin.

Lideri i partisë Jimmie Åkesson dhe bashkëpartiaku i tij Mattias Karlsson e bënë këtë propozim në një shkrim të botuar në faqen e debatit të gazetës Aftonbladet.

Ata akuzojnë Socialdemokratët (S) për “hipokrizi politike” dhe pretendojnë se gjatë qeverisjes së tyre, Suedia ka ndihmuar në mënyrë indirekte në financimin e grupeve të dhunshme.

Sipas tyre, një shembull është mbështetja që S i ka dhënë partisë së tyre motër, Fatah, e cila, sipas drejtuesve të SD-së, ka transferuar para tek grupe palestineze militante.

Socialdemokratët janë përballur më parë me kritika për bashkëpunimin me Fatahun, por kanë deklaruar se Fatah është kundërshtar politik i Hamasit dhe nuk ka lidhje me terrorizmin.

Sverigedemokratët thonë se, brenda bashkëpunimit qeverisës, do të punojnë që komisioni i së vërtetës të bëhet realitet dhe të zbulojë në mënyrë të plotë se si paratë e taksapaguesve suedezë mund të jenë përdorur për të mbështetur organizata me lidhje islamiste ose terroriste.