Klippan: Mësuesit mund të pajisen me kamera trupore

Partitë në pushtet në komunën Klippan të Skånës propozojnë që mësuesit të mbajnë kamera trupore gjatë orarit të punës, raporton P4 Kristianstad.

Sipas Andreas Olofsson, kryetar i Komisionit për Fëmijë dhe Arsim dhe përfaqësues i partisë lokale “Vår Framtid” (E Ardhmja Jonë), ky propozim ka për qëllim parandalimin e kërcënimeve dhe dhunës ndaj mësuesve.

“Ne nuk duhet të pranojmë kurrë dhunë apo kërcënime në klasë. Askush nuk duhet të ndihet i frikësuar të shkojë në punë,” tha Olofsson.

Ai sqaroi se filmimet nga kamerat do të përdoren vetëm në rast se ndodh ndonjë incident, për shembull, kur përfshihen policia ose prindërit. Në raste të tilla, pamjet do të shërbejnë si provë për të kuptuar më mirë çfarë ka ndodhur.

Propozimi ka për qëllim të rrisë sigurinë në shkolla dhe të mbrojë mësuesit nga situatat e rrezikshme.