Göteborg ul tarifat, do të bëhet më lirë të pish birrë.

Në Gotenburg do të bëhet më e lirë të pish një birrë në tarracat e bareve. Këtë vendim e ka marrë drejtimi i qytetit, i përbërë nga të majtët dhe të gjelbërit, shkruan Göteborgs-Posten.

Shumë pronarë lokalesh ishin ankuar më herët gjatë verës për çmimet e larta që paguajnë për të marrë me qira hapësirën e tarracave të tyre. Tani, pas këtyre ankesave, qyteti ka vendosur të ulë tarifat.

“Duhet të jetë e lehtë, e thjeshtë dhe jo e shtrenjtë të dalësh e të pish një birrë,” tha Johannes Hulter (S), kryetar i Komisionit të Ndërtimit të Qytetit.

Me këtë ndryshim, pritshmëria është që më shumë njerëz të dalin për të kaluar kohë në qytet dhe që lokalet të kenë më shumë vizitorë.